Dim bysgio heddiw, ond mae’n
werth nodi un stori perthnasol o Faes yr Eisteddfod, sef hanes Tlws Coffa John
Weston Thomas (JWT) eleni. Dyma’r cystadleuaeth i berfformio alawon gwerin
Cymreig ar delynau di-bedal.
Pe bai gan y telyn gwerin yr un
bri yng Nghymru a, dyweder, y Coron neu’r Gadair, gellid dychmygu “Rumble in
the Jungle” diddorol iawn ar gyfer Tlws John Weston Thomas, gydag enwau mawr y delyn
i gyd yn mynd amdani...
...Robin
Huw Bowen v Llio Rhydderch v Elonwy Wright v Catrin Finch v Dafydd Roberts v Angharad
Evans v Gwyndaf Roberts v Elinor Bennett v Eleri Darkins v Gwenan Gibbard – am
rhagbrawf!
Ond er gwell neu er gwaeth, mae
Tlws JWT – yn nhermau pêl droed - siwr o fod yn agosach at “League 1” Lloegr (Charlton,
Brentford, Plymouth...) na Chwpan y Byd. Eleni, er engrhaifft, un o ddisgyblion
ifanc Elinor Bennett aeth â’r
tlws, yn hytrach nag Elinor Bennett ei hun. Yn ddifyr iawn (ac yn arwyddocaol
efallai), roedd y tri cystadleuydd arall yn hannu o Ganolbarth Lloegr, a hynny
oherwydd gwaith mentora Helen-Elizabeth Naylor o gwmni www.telyn.com. Dyma gwmni sydd wedi ei leoli, o
bobman, yn Swydd Derby! Gobeithio bydd ymdrechion Helen-Elizabeth a’i
ddisgyblion yn ysgogi telynorion gwerin Cymru i gystadlu yn y JWT. Yn sicr,
mae’r sefyllfa wedi codi cywilydd arna i, ac rwyf yn edrych ymlaen at gystadlu
am y tro cyntaf yn Wrecsam yn 2011.
